الرئيسية
أحدث الصور
طويت الحزن لاجل انسى غيابك والليال طوال
ولكن كل مااشوفك احـس الشـوق يدعينـي
تخيلت اني ابقوى على بعدك وصـار امحـال
تصدق لانويت انساك دمـع العيـن يعصينـي
انا لك كلي وكلك على بعضك ابيـك اوصـال
استوطن حبك بقلبي وتغلغـل فـي شرايينـي
انا لي قلب هايم فيك ولايسمع حكـي العـذال
ويبقى المخلص الوافي ولوطالت بي سنينـي
وانا لي قلب لو مالت نخيل(ن) بالحساء ما مال
يظل ثابت على حبك وشامـخ لـو تجافينـي
احبك ايه انا احبك واغنـي لـك بهـا مـوال
على نغمات همس الليل احبك يانظـر عينـي
نثرت الورد في دربك وصار الورد بك يختـال
ياباقة ورد فواحه ياعطـر(ن) حيـل يغرينـي
انا اغنى البشر في الحب ولكني فقيـر المـال
الا ياويش ابي بالمال ورصيد الحـب يكفينـي
مجاديف الالم واليم ومركـب حبنـا والجـال
وليل وغيم وامطار(ن) ولطم امـواج تغوينـي
انا وانت حكاية عشق يجددها حديـث اجيـال
بطولـة حـب قصتهـا مابينـك ومابيـنـي
